Hǝq kǝlami sevmişǝm, sureyi-Yasindǝn mǝdǝd

Hǝq kǝlami sevmişǝm, sureyi-Yasindǝn mǝdǝd Müəllif: Şah İsmayıl Xətai

Hǝq kǝlami sevmişǝm, sureyi-Yasindǝn mǝdǝd,
Kim, mǝnǝ incili-fürqanın duasından mǝdǝd.

Ey, behǝqqi möcizatı verdin ol Musayǝ sǝn,
Kim, mǝnǝ Musayi-İmranın ǝsasından mǝdǝd.

Ey yaradan alǝmi, ol şahi-xuban eşqinǝ,
Ol Rəsuli-axiratın möcizasindǝn mǝdǝd.

Kim ki, kamin almadı, dünyada oldur binǝva,
Binǝvanın vergilǝn, yarǝb, nǝvasından mǝdǝd.

Bu Xǝtai, der ǝzǝldǝn mǝn İmamın quliyǝm,
Ey İmami-hǝq Əliyül-Mürtǝzasından mǝdǝd.