Hər kimin baxsa əgər arizi-cananə gözü
Hər kimin baxsa əgər arizi-cananə gözü Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 102 |
Hər kimin baxsa əgər arizi-cananə gözü,
Elə bilsin ki, baxıb rövzeyi-rizvanə gözü.
Həzz alır tökmək ilə qanını məzlumilərin,
Gözü qan tutmuşun öyrəncəlidir qanə gözü.
Murdən əxz eləyən kimsə qənaət dərsin,
Göz açar Həqqə, yumar mülki-Süleymanə gözü.
Nə əcəb zövq ilə rəssami-təbiət çəkmiş,
Bu əlif qaməti, xəncər qaşı, məstanə gözü.
Ey Vüqar, razıyam eşq içrə keçəm canımdan,
Təki cananə tərəf baxmaya biganə gözü.