Haçan gəlirsən

Haçan gəlirsən Müəllif: Şair Məmmədhüseyn

Mənbə: Şair Məmmədhüseyn. "Nur çeşməsi" (PDF) (az.). Elm və təhsil. 2018. İstifadə tarixi: 2018-09-20.

Başına döndüyüm gül üzlü oğul,
Oğul, söylə görüm, haçan gəlirsən?
Gecə-gündüz həsrətini çəkirəm,
Oğul, söylə görüm, haçan gəlirsən?

Sana gəlməz günüm, gedir ömürdən,
Namərd didar edib məni elimdən.
Bu sinnidə ayrılmışam gülümdən,
Oğul, söylə görüm, haçan gəlirsən?

Susanmıram, var-dövlətim alıblar,
Şahmar kimi ürəyimdən çalıblar.
Məmmədhüseyni yaman oda salıblar,
Oğul, söylə görüm, haçan gəlirsən?