Hobbit, və ya Oraya və Geriyə

Hobbit, və ya Oraya və Geriyə (1937)
Müəllif: Con Tolkin
Tərcümə edən: Rəfiqə Məmmədova

Həmçinin baxın: Haqqında •

Ön söz[redaktə]

"Yerin altında, öz yuvasında bir hobbit yaşayırdı..."

Bu sözləri C.R.R.Tolkin isti yay günü yoxladığı məktəbli imtahan işinin arxasına yazmışdı. Heç kimin ağlına gəlməzdi ki, məhz bu cümlədən sehrli toxum kimi dünya ədəbiyyatında ən tanınmış sənət əsəri yaranacaq və müəllifini "yüksək fentezi" kimi tanınmış janrın klassikinə çevirəcək. Yeri gəlmişkən, bu jannn digər klassiki "Narniya salnaməsi"nin müəllifi K.S.Luis onun yaxın dostu olmuşdur.

XX əsrin ən məşhur "ədəbi nağılı" adlandırılan "Hobbit və ya Oraya və Geriyə" əsəri Tolkinin uşaqları üçün qoşduğu nağıldan yaranıb. Təsadüf nəticəsində nəşr olunan bu əsər oxucular tərəfindən elə rəğbətlə qarşılanıb ki, kitabın naşiri bu əhvalatın ardını yazmağı təkidlə xahiş edib.

Əsərin ilk sətirlərindən müdrik sehrbaz Qandalf (o hər dəfə lazım olanda peyda olur) Bilbo Begginsi cırtdanlarla Tənha Dağa səyahətə cəlb edir. Abad, səliqəli və rahat yuvasında yaşamağa öyrəşmiş Hobbitə ömrü boyu sərgərdan həyatı yaşayan cırtdanların kompaniyası ilə ayaqlaşmaq çətin olur. Lakin onun daxilində, bu günədək heç özünə məlum olmayan, gizli macəra ruhu bütün məhrumiyyətlərə yeni dostlarının xətrinə qatlaşmağa kömək edir. Təhlükəli macəralar, müəllif fantaziyasının məhsulu olan digər irqlərlə mürəkkəb münasibətlər, çıxılmaz vəziyyətlər əsəri həqiqətən cəlbedici edir, ondan ayrılmaq mümkün olmur. Amma qaranlıq buludlar arasında belə işıq yeri var. Elə burda da dostlar həmişə köməyə gəlir, əfsus ki, faciəsiz ötüşmək olmur.

Əsər oxucunu həyata və özünə yeni nəzərlə baxmağa çağırır. Bəlkə sən, elə əsərin qəhrəmanı kimi, haradasa özünü lazımınca dəyərləndirməyibsən.

Əsər geniş oxucu kütləsi üçün nəzərdə tutulub.

Mündəricat[redaktə]

I fəsil. Gözlənilməz qonaq
II fəsil. Qoyun əti qovurması
III fəsil. Fasilə
IV fəsil. Dağın üstündən və altından
V fəsil. Qaranlıqda müəmmalar
VI fəsil. Yağışdan çıxıb yağmura düşdük
VII fəsil. Qeyri-adi sığınacaq
VIII fəsil. Hörümçəklər və milçəklər
IX fəsil. Çəlləklərlə azadlığa
X fəsil. Səmimi qəbul
XI fəsil. Astanada
XII fəsil. İçəridə onları nə gözləyirdi
XIII fəsil. Ev yiyəsi evdə olmayanda
XIV fəsil. Alov və su
XV fəsil. Qara buludlar toplaşır
XVI fəsil. Gecə oğrusu
XVII fəsil. Tufan qopdu
XVIII fəsil. Geriyə aparan yol
XIX fəsil. Sonuncu fəsil

Mənbə[redaktə]

C. R. R. Tolkin. "Hobbit, və ya Oraya və Geriyə". Qanun Nəşriyyatı, 2018.