Köynəkcək (Aşıq Musa)

Köynəkcək Müəllif: Aşıq Musa

Mənbə: Aşıq Musa, "Əsərləri" (tərtib edəni:İslam Ələsgər), Bakı, "Elm və təhsil", 2013.

 
Səhər vaxtı zəhmət vermə özünə,
Ay qabaqlı, qələm qaşlı köynəkcək.
Qoyma sabah yeli dəyə üzünə,
Uzun boylu, qara saçlı köynəkcək.

Qaşlarının tağı bənzər mehraca,
Ağ çit tuman gövdəsində alaca.
Sinən bəyaz, məmələrin balaca,
Sərxoş durur xoş baxışlı Köynəkcək.

Musa deyər, ürəyimi əzərsən,
Eşqə düşüb, ömür bağın üzərsən.
Vaxt yetişər bağ içində gəzəsən,
Bahar deyil, hələ qışdı, köynəkcək.