Kəleci bilən kişinün yüzini ağ edə bir söz

Vikimənbə saytından
Jump to navigation Jump to search
Kəleci bilən kişinün yüzini ağ edə bir söz
Müəllif: Yunus Əmrə
Mənbə: Yunus Əmrə, Əsərləri. Bakı: Öndər, 2004. (Tərtib edəni: Cəlal Bəydilli (Məmmədov))

  
Kəleci bilən kişinün yüzini ağ edə bir söz,
Sözi bişürüb deyənün işini sağ edə bir söz.

Kəlecilərün bİşirgil, yaramazını şaşurğıl,
Sözün us İlə düşürgil, demegil çağ edə bir söz.

Gel exi ey şəhriyarı, sözümüzi dinlə barı,
Həzaran göhər dinarı qara toprağ edə bir söz,

Kişi bilə söz dəmini, deməyə sözün kəmini,
Bu cəhan cəhənnəmini sekiz uçmağ edə bir söz.

Yüri, yüri yolan ilə, ğafil olma bilün ilə,
Key saqın key, dilün ilə canına dağ edə bir söz.

Yunus, imdi söz yatından, söylə sözi ğayətindən,
Key saqın o şəh qatından səni ırağ edə bir söz.