Kağızı

Vikimənbə saytından
Jump to navigation Jump to search
Kağızı
Müəllif: Aşıq Valeh
Mənbə: Aşıq Valeh (1729 - 1822) (az). shahbulaq.az (11.02.2013). Yoxlanılıb 2015-04-22.

Gözləriniz aydın olsun,
Gəlibdi yarın kağızı.
Bülbül uçar yuvasından,
Gəldi nigarın kağızı.

İnciməsin gülü xəndan,
Gələr günlər, keçər sandan,
Can ayrılır cananından,
Gəldi qubarın kağızı.

Valeh ağlar yana-yana.
Səfər edər Dağıstana.
Çağırır cəngə-meydana,
O Zərnigarın kağızı.