Kamala kamal

Kamala kamal Müəllif: Mirzə Bəylər

Mənbə: Sazlı-sözlü Göyçə (II kitab) (az). Elm və təhsil (2018). Orijinal mənbədən 2018-06-01 tarixində arxivləşdirilib. Yoxlanılıb 2018-06-01.

Ey zərri-səxavət, pillələri-dost,
Gəl səninlə qoyaq kamala-kamal.
Görək kimdə müyəssərdir mərifət,
Dedim: iqbal qoymaz kam ala kamal.

Bəs ki, gözləmədin haqqı-hesabı,
Gəl araya qoyaq haqqı, hesabı.
Sənlən çəkəcəkdim haqqı-hesabı,
Şəxs ki, haqqı səndən kəm ala Kamal.

Fərhadın nəzəri dustaq Şirinsə,
Bağlıdı əlləri qoçaq şirinsə.
Şirinsə şəkkəri, dodaq şirinsə,
Axrı zəhr olur Kamala, Kamal.

Sanma muradı nahaqdan dilərəm,
Murği – kürüsnəyəm, haq dən dilərəm.
Mirzəyəm, haqqımı haqdan dilərəm.
Fəqət lənarizqəm kəm ala kəm al.