Kimi (Şamlı Cabbar)

Vikimənbə saytından
Jump to navigation Jump to search
Kimi
Müəllif: Şamlı Cabbar
Mənbə: Tariyel Qəni (2015). ŞİRVANIN ŞAMLI ELATININ AŞIQ VƏ EL ŞAİRLƏRİ (az). "Ozan dünyası" jurnalı. azab.az. Yoxlanılıb 2016-02-04.


Bir gözəlin sevdasına düşmüşəm,
Qaşları şux, yanaqları gül kimi.
Hər baxanda şövqü düşür cahana,
Dili şəkər, dodaqları bal kimi.

Qaşı kimi tarmalanmış yay olmaz,
Könlü kimi daşqın axan çay olmaz,
Gözəllikdə heç kəs ona tay olmaz,
Yusif onun camalında xal kimi.

Cabbar deyir, göz yoluna dikmişəm,
Ayrılıq toxmunu çoxdan əkmişəm,
Yollarında çox cəfalar çəkmişəm,
Əlif qəddim əyilibdi dal kimi.