Mürtəzadır dilimin zikri, Nəcəfdir qibləm

Mürtəzadır dilimin zikri, Nəcəfdir qibləm Müəllif: Vüqar Biləcəri Tərcümə edən: Hüseyn Cəlilov

Mənbə: Vüqar Biləcəri. "Qərib xəyal" kitabı. Səh 26

Mürtəzadır dilimin zikri, Nəcəfdir qibləm,
Səcdəgahımdır mənim, Kərbübəla torpağı.

Mən sevən Yarə nə Şirin ola bilməz bənzər,
Nə də Leyla ola bilməz atılan dırnağı.

Şaxtalı qış kimidir fəsli-baharım sənsiz,
Hicrin, ey laləüzar, sinəmə çəkmiş dağı.

Qorxuram, ey pəri, göz dəysin hilal qaşlarına,
Cəhd elə, olmaya əskik yaxanın sancağı.

Könlümü etdi əsir zülfi-girehgirində,
Necə zəncirə vurarlar dəlisov dustağı.

Qocalıq qayğıları üstümə ləşkərlə gəlir,
Gəncliyim təslim olub, qaldırıb ağ bayrağı.