Məclisləri, məhzərləri döndərirəm gülşənə

Vikimənbə saytından
Jump to navigation Jump to search
Məclisləri, məhzərləri döndərirəm gülşənə
Müəllif: Xaqani Şirvani
Tərcümə edən:M.Mübariz
Mənbə: Xaqani Şirvani. Seçilmiş əsərləri. Bakı, "Lider nəşriyyat", 2004.

Məclisləri, məhzərləri döndərirəm gülşənə,
Sözüm olmuş göçəriyə, şəhərliyə xəzinə.
Nəzmim, nəsrim külək kimi xatirimdən qoparaq,
Ölkə gəzir, məsəl olur, düşür ellər dilinə.
Sanki ulduz salxımıdır şerim, mənim əlimlə,
Sıxılaraq, xalqa dadlı şərab olur hər dənə.
 
Zina oğlu zındıqların şərrindən doğmasaydı,
Qəza əsir salardımı onu quduz düşmənə?
Duz qatarsam sözlərimə insanların əliylə,
Böyük izzət, sonsuz şöhrət qazandırar bu mənə.
Qələmimdir qoşaağız, iti Yəmən qılıncı,
Əlim oxşar Saidətül-Qeysin yazan əlinə.