Mən gedirəm, halallaşaq

Vikimənbə saytından
Jump to navigation Jump to search
Mən gedirəm, halallaşaq
Müəllif: Aşıq Musa


Mən gedirəm, halallaşaq
Gözləginən, yar, yolları.
Küsülüsən, gəl barışaq,
Açgınan qulac qolları.

Bu səfərim Dağıstandı,
Bir yanı Təkə türkmandı.
Gəlməyimə çox gümandı,
Dəyişdirmə xəyallları.

Gəzərəm Şəki Şirvanı,
Altı ay verrəm vaxtı tanı.
Musanın qaşı kamanı,
Eyləməyən fəqanları.