Məni (İsoy Qurbanov)(Üç qızım atasız qalıb)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Məni
Müəllif: İsoy Qurbanov

Üç qızım atasız qalıb,
Bu həsrət sındırır məni.
Yadıma düşdükcə Lətif,
Hicranlar dondurur məni.

Boyunu sevmədim, oğul,
Öyünüb-öymədim, oğul.
Toyunu görmədim, oğul,
Bu dərdlər yandırır məni.

İsoyam, dərdlidi sinəm,
Sözüm yoxdur daha dinəm.
Bir də geri çətin dönəm,
Vəziyyət qandırır məni.

Mənbə[redaktə]