Məni (Aşıq Sədrəddin)

Eyni adda digər əsərlər üçün dəqiqləşdirmə səhifəsinə baxın.

Məni Müəllif: Aşıq Sədrəddin

Mənbə: Seyfəddin Qəniyev, 1918-ci il Şamaxı soyqırımı şəhidlərindən iki nəfəri - Əngəxaranlı Aşıq Xəlil və Aşıq Sədrəddin, "Ozan dünyası" jurnalı, №3(24), 2015. səh.24-30.

 
Sənətimdə qoca dağam,
Yıxa bilməz sellər məni.
Mənə badə verib ağam,
Sevər pak könüllər məni.

Başımda dağ havası var,
Nakamların “nəvası” var,
Yağılarla davası var,
Unutmaz bu ellər məni.

Sədrəddindən söz qalacaq,
Demirəm ki, yüz qalacaq.
Məna dolu iz qalacaq,
Yad edər aqillər məni.