Məni gör

Məni gör Müəllif: Aşıq Abbas Tufarqanlı

Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5

 
Dolannam başına misli-pərvanə,
Həsrət gözü yolda qalan, məni gör!
Eşqin sitəmindən, çarxın əlindən,
Saralıb gül kimi solan, məni gör!

Sər qoydum payəndaz, etdim üz yara,
Bayqu kimi meydan vermə üz yara,
Zülf pərişan, yaxa yırtıq, üz yara,
Könlümü şikəstə bulan, məni gör!

Şikəstə Abbasam, çəkərəm qəmi,
Neylər mənə seyrağıbın sitəmi,
Kərəmli soltanın budu kərəmi,
Kərəmsiz, qəzəbnak olan, məni gör!