Mənim (Aşıq Ələsgər)

Eyni adda digər əsərlər üçün dəqiqləşdirmə səhifəsinə baxın.

Mənim (Aşıq Ələsgər) Müəllif: Aşıq Ələsgər

Mənbə: Aşıq Ələsgər. Əsərləri (PDF) (az.). "Şərq-Qərb". 2004. ISBN 9952-418-21-0. 2017-06-19 tarixində arxivləşdirilib (PDF). İstifadə tarixi: 2017-06-19.

Suludin, firudin* dilim əzbəri,
Oxusam, xoş gələr avazım mənim.
Qünut, rükum, bir də səcdəm səhv olsa,
Nеyləsəm, səhihdi namazım mənim.

Günahkardı nə ki yoldan azan var,
İki mələk – xеyir-şəri yazan var,
Ərəsət var, Qıl körpü var, qazan var,
Orda qəbul olsun niyazım mənim.

Ələsgərə şərü böhtan dеyənlər,
Şеytana qul olub, riba yеyənlər,
Zəkatsız dövlətə halal dеyənlər,
Onlardan halaldı bu sazım mənim.