Mənim (Usta Abdulla)

Eyni adda digər əsərlər üçün dəqiqləşdirmə səhifəsinə baxın.

Mənim (Usta Abdulla) Müəllif: Usta Abdulla

Mənbə: "Sazlı-sözlü Göyçə (II kitab)" (PDF) (az.). Elm və təhsil. 2018. 2018-06-01 tarixində arxivləşdirilib (PDF). İstifadə tarixi: 2018-06-01.

Qulaq asın, a yoldaşlar,
Çoxdu qəhri-qəzam mənim.
Xəstə düşdüm qürbət eldə,
Artıq olub cəzam mənim.

Bir zaman gəzdim havalı,
Götürdüm muzdu, bavalı.
Qonşum imiş un çuvalı,
Dostum imiş qazan mənim.

Mənim işim ahü-zardı,
Bu gen dünya mənə dardı.
Abdullayam, günahkardı,
Dəftərimi yazan mənim.