Mirzə Həsən naxoş olan vaxt Aşıq Pərinin ona yazdığı şeir

Sənin Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Nə yatıbsan lihaf-bəstər içində,

Bimarmısan, nədir bəs halın sənin?

Eşqin mərizinə mən də təbibəm,

Bəyan eylə mənə əhvalın sənin.

İsmi-şərifiniz dadə yetişsin,

Mətləb alıb, hər muradə yetişsin,

Şahlar mahı özü dadə yetişsin,

Hifzində saxlasın zavalın sənin.

Barilahim gülzarına qıymasın,

Xəstə düşüb bimarına qıymasın,

Şirin-şirin güftarına qıymasın,

Bağışlasın qaşı-hilalın sənin.

Bir məsəldir, bağban olan bar çəkər,

Əndəlibin həm meyli gülzar çəkər,

Allahına bəndə ahü-zar çəkər,

Qəm çəkmə, kamildir kamalın sənin.

Mən Pəriyəm, eşqə zarəm, neyləyim?

Dərdi-dildən xəbərdaram, neyləyim?

Burdan oraya ki, varam, nevləvim?

Şəfalansın nuri-vüsalın sənin.