Molla Abbas Cavanşir 3

Molla Abbas Cavanşir 3 Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Necə dildadəyəm mən, bu dilim dildardan doymaz,

Əcayib didədir bu didə kim, didardən doymaz.

Səba məndən füzun ol cə’ di-zülfə mübtəladır kim,

Həmişə oynadır, ol türreyi-tərrardən doymaz.

Dəmadəm qut edər öz lə’linin şəhdini şirinim,

Zəhi tutizəbandır, şəhdi-şəkkərbardən doymaz.

Nə tabi-qürbətəm, nə izzətim vardır məqamımda,

Mənim haqqımda gərdun bunca kəcrəftardən doymaz.

Edibdir mürği-nəfsin danəsin təsbihdən zahid,

Bu mürğə danə yüz danə nə, yüz xərvardən doymaz.

Kələm tək başını pürpiç edib əmmamədən daim,

Bu nazik boynu gör kim, bu bari-ardən doymaz.

Edib üşşaq inkarın şüar ol cahili-nakəs,

Doyub Abbas ondan, ol məgər inkardan doymaz?