Murği-dil aşiq olub qaməti-rənayə baxar

Murği-dil aşiq olub qaməti-rənayə baxar Müəllif: Mirzə Məhəmməd Katib

Murği-dil aşiq olub qaməti-rənayə baxar,

Qumriyi-sərv kimi sərvi-duarayə baxar.

Dəyişib halını ol zulfi-muənbər, nə deyim,

Nə bu əhvalə, nə başımdakı sövdayə baxar.

Məni zunnarpərəst etdi xətakar gözüm,

Bəli, Sənan olu hər kim ki, o tərsayə baxar.

Yar olağında barı surəti-divar olasan,

Xoş onun halına kim, surəti-zibayə baxar.

Eyd olur aşiqə əbruyi-hilalını görə,

Rəsmdir, cünki camaat yığılıb ayə baxar.

Aşiqin görsə səni, taqəti-didar olmaz,

Necə tab eyləyə bir goz ki, təcəllayə baxar?

Nə yazım şeir, yenə Katibi-bimar oldum

Kim, xəyalilə gözum nərgisi-şəhlayə baxar.