Muyların

Muyların Müəllif: Xəstə Hasan

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. səh.445; ISBN 978-9952-571-42-4

Mənim sonam cilvə verib özünə，
Darayıb， gərdənə tökər muyların.
Görən həsrət， görməyənnər qiyamət，
Bu qədər sitəmə yetər muyların.

Şan verib şanədən， cığalı başdan，
Yan verib yanınnan， tökülüb döşdən，
Müjgan kirpiklərin o qələm qaşdan，
Enər dal gərdənə yatar muyların.

Xəstənin sevdiyi növbahar fbsli，
Binadan gözəldi onnarın nəsli，
Necə yaxdı xan Kərəmi xan Əsli，
Məni də yandırar betər muyların.