Nə sinə bağlar (Qurbani)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Nə sinə bağlar (Qurbani)
Müəllif: Dirili Qurbani
Mənbə: Qəzənfər Kazımov (2008). Seçilmiş əsərləri (10 cilddə, III cild) (az). Nurlan. Orijinal mənbədən 2018-09-05 tarixində arxivləşdirilib. Yoxlanılıb 2018-09-05.

Peykәr xanım xәlvәt etdi otağı,
Nә üzün daldalar, nә sinә bağlar
Әmim o dillәri, qaymaq dodağı,
Nә üzün daldalar, nә sinә bağlar.

Zәr nimtәnә geyib – qolları nazik,
Ağ qola yaraşır burma bilәrzik.
Aldılar yarımı, mәn oldum yazıq,
Nә üzün daldalar, nә sinә bağlar.

Doymaq olmur Qurbaninin sözündәn,
Әcәb işvәsindәn, әcәb nazından,
Bir gözәl törәyib әrәb qızından,
Nә üzün daldalar, nә sinә bağlar.