Nəbatat aləmi

Vikimənbə saytından
Jump to navigation Jump to search
Tapmacalar Nəbatət aləmi haqqında
Müəllif: Şifahi xalq ədəbiyyatı
Mənbə: Tapmacalar. Bakı,2004

Mədəni bitkilər[redaktə]

Ağ at biyan içində,
Quyruğu qan içində,
Getdim qanı silməyə,
Batdım biyan içində.
(Boyaq kökü).

Ağ qıza əl uzatdım,
Məsti budaqda qaldı.
(Pambıq).

 Ağacın tutmaq olmaz,
Ətrindən doymaq olmaz.
(Qızılgül).

Bağrım başı zədəndi,
Zədəndi, zəbərdəndi,
Yaşıl əkdim, al tökdü,
Görən əsli nədəndi?
(Sumaq).

Bahalıdır qiymətin,
Şahlar çəkir minnətin.
(Zəfəran).

Bir sürü atlar,
Çəməndə otlar.
Vaxtı gələndə,
Dərisi çatlar.
(Pambıq).

Qoca babam allandı,
Qızıl toyuq sallandı.
(Gülburnu).