Neylər (Aşıq Abdulla)

Neylər Müəllif: Aşıq Abdulla

Mənbə: "Aşıq təcnisləri" (şeir antologiyası). Azərbaycan Aşıqlar Birliyi. Bakı, 2022.

Əzəl başdan məni dərdə salan yar,
Nə doğrusun söylər, nə sağı neylər?
Eşqin piyaləsin tutub dəstində,
Doldurmuş zəhrnən, nəs ağı neylər?

Katiblər dərs alar, vədə sin gözlər,
Ömür başa yetən vədə sin gözlər,
Məcnun da Leylinin vədəsin gözlər,
Baş verib xirqadan nəs ağı neylər?

Abdullayam, mən də yaram, o da yar,
Kimə gedim yar əlindən oda, yar,
Qıya baxdın, məni saldın oda yar,
Gözlər sağı gözlər, nəsağı neylər?