Niyə durnam

Niyə durnam Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Durnam, getmə, qatar-qatar,
Səni mənim ahım tutar.
Məni də özünlə apar,
Apar məni Löyə, durnam.

Durnam gedər qatar-qatar,
Kərəm desə, lələk atar.
Kərəm yatmaz, Lələ yatar,
Niyə durnam, niyə durnam?

Bəsti, yada düşdü yurdum,
Xan Kərəmdən azmı dərdim?
Nə toy-düyün, nə şan gördüm,
Niyə durnam, niyə durnam?