O gözəldi, bu gözəl

O gözəldi, bu gözəl Müəllif: Aşıq Əsəd

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. səh.379; ISBN 978-9952-571-42-4

Nagah yerdən üç gözələ tuş oldum，
Biləmmədim， o gözəldi， bu gözəl.
Camalları bənzər bayram ayına，
Seçən yoxdu， o gözəldi， bu gözəl.

Birisi sultandı， əyləşib taxtda，
Biri kəşt eyləyir kefdə，damaqda.
Birinin gözləri canlar almaqda，
Seçəmmədim， o gözəldi， bu gözəl.

Əsəd girməz hər məclisə， hər toya，
Zəhməti， zilləti getməsin zaya.
Sərraflar yığışıb qiymətin qoya，
Qoy desinlər， o gözəldi， bu gözəl.