Olar (Şəmkirli Aşıq Hüseyn)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Disambig.svg Eyni adda digər əsərlər üçün dəqiqləşdirmə səhifəsinə baxın.
Olar
Müəllif: Şəmkirli Aşıq Hüseyn
Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005 (az). Orijinal mənbədən 2010-09-23 tarixində arxivləşdirilib. Yoxlanılıb 2016-08-06.

Hər yetən gözələ gözəl demərəm,
Gözələ özgə bir əlamət olar.
Zülf dağılar, çin-çin düşər gərdənə,
Qaşınnan, gözünnən işarət olar.

Əl dəyəndə fəryad edər nimtənə,
Tel tökülər, üzü dönər gülşənə,
Sərəndazı başdan salar gərdənə,
Görünsə məmələr qiyamət olar.

Hüseynin butası tərlan cilvəli,
Bir şirin ədalı, bir naz-qəmzəli,
Hər kəsin olarsa belə dilbəri,
Bu dünya qəmindən salamat olar.