Olarmı (Uğurluoğlu Cəfər)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Olarmı
Müəllif: Uğurluoğlu Cəfər

Bulaq üstə duran gözəl,
Bəri baxsan qan olarmı?
Düşmüşəm dərmansız dərdə,
Dərdimə dərman olarmı?

Nə hürüdü, nə pəridi,
Baxanda cismim əridi.
Behişt gözəlinin biridi,
Belə də insan olarmı?

Cəfər, keçər cavan çağlar,
Dörd yanda qəmli dustaqlar.
Səni görüb qəlbim ağlar,
Görüşə güman olarmı?