Oldu (Aşıq Musa)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Oldu
Müəllif: Aşıq Musa


Ay ağalar, ay qazılar,
Görün mənə nələr oldu!?
Hücum etdi qəm ləşgəri,
Bağrım didər, dələr oldu.

Dursan gedək güllü bağa,
Bülbüllər qonur budağa.
Məcnun olub düşdüm dağa,
Yoldaşım ahular oldu.

Sən batırdın qəmə, yasa,
Ləblərindən mənə busa.
Həsrətindən yazıq Musa
Daha çətin gülər oldu.