Oldu (Aşıq Talıb Dərələyəzli)

Oldu Müəllif: Aşıq Talıb Dərələyəzli

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. səh.93; ISBN 978-9952-571-42-4

Ağla, könül, sızla, könül,
Maya xanım gedər oldu.
Daha bir də sağalmaram,
Mənim dərdim betər oldu.

Yar olan arxa çevirdi,
Taxtımı yana devirdi.
Bu necə murad dövrüdü,
Gəldi, mənə kədər oldu.

Talıb, kimə gümanın var,
Dağsan, başda dumanın var.
Sənin ahın-amanın var,
Qazandığın kədər oldu.