Oldum dəli-divanə, çağır ki, gələm-gedəm
| Oldum dəli-divanə, çağır ki, gələm-gedəm! (1996) Müəllif: RAUF CAVAD |
Qorxuram, kamsız canı bihudə verəm-gedəm!
Deməyə nə qədər kəlmə, kimə deyəm-gedəm?!
Sevirəm Xəyalını hər gecə zikr edirəm,
Səni görməyə pirim, fikir edirəm, gedəm!
Gördüm səni yar Yusif kimi sevdim əslini,
Surətini istərəm özümdə görəm-gedəm!
Əvarə kəs heç unudarmı surəti canı,
Oldum dəli-divanə, çağır ki, gələm-gedəm!
Gülüşündən qəlbim cilvələndi oldu xumar,
Dilbər, dadini dadmağa, gərək öpəm-gedəm!
Biçarə qaldı gözlər, Yar, zülfündə telinə,
Vurdun kiprikdən ox, naz oduna düşəm-gedəm?!
Nazü-qəmzən qəlbimi yarə, viran eylədi,
Süzdün qaşin ilə göz etmədin, güləm-gedəm!
Divanə könül, can yanə-yanə seyr eylədi,
Saldi Pərvanə oduna ki, əriyəm-gedəm!
Dərmansız ağrını verdi acıdan hədiyyə,
Dərdü-qəmə duz səpib, Şirin etdi qəm-gedəm!
Rauf, eylə Nur-nəzər! Mehriban, diqqət elə!
Qaldi gözüm gözdə, söz göz etdi ki, dəm-gedəm?!