Oldumu

Vikimənbə saytından
Jump to navigation Jump to search
Oldumu
Müəllif: İsoy Qurbanov

O qara gözlərin mənə baxdımı,
Görən mənə canı yanan oldumu.
Viran qoyub, gəldim gözəl taxtımı,
Görən mənə canı yanan oldumu.

Doğmadı könlümə o daş, o qaya,
Gəldim yaman düşdüm indi ax-vaya.
Yansa mənə yanar yazıq Urquya,
Görən mənə canı yanan oldumu.

Yalvardım Allaha kənara atma,
Məni əsir edib, qolumu çatma.
Hamıdan çox yanır o yetim Fatma,
Görən mənə canı yanan oldumu.

Tapşırram, ay Qasım uşağı yoxla,
İnəkdən, qoyundan sat ver taxıla.
Yalvarıram Haqqa Lətifi saxla,
Görən mənə canı yanan oldumu.

Mənbə[redaktə]