Olmaz (Aşıq Qurbani)

Eyni adda digər əsərlər üçün dəqiqləşdirmə səhifəsinə baxın.

Olmaz Müəllif: Aşıq Qurbani

Mənbə: Niftalı Göyçəli. GÖYÇƏ MAHALI QƏDİM TARİXDƏN BU YANA. davam.az saytı

 
Laf eyləmə felli dərviş,
Belə kar eyləmək olmaz.
Yıxıban könlüm evini
Murğuzar eyləmək olmaz.

Dərdini de bilənlərə,
Dərd başına gələnlərə.
Hər üzünə gülənlərə
Etibar eyləmək olmaz.

Qurbaniyə verdin məzə,
Dərdini artırdın yüzə.
Dərd biləni dərdbilməzə
Giriftar eyləmək olmaz.