Olmuş (Məhəmməd bəy Aşiq)

Eyni adda digər əsərlər üçün dəqiqləşdirmə səhifəsinə baxın.

Mənbə: Tərtib edəni: Zaman Əsgərli. "XIX əsr Azərbaycan şeiri antologiyası" (PDF). Milli Kitabxana (az.). "Şərq-Qərb". 2005. 2016-03-05 tarixində arxivləşdirilib (PDF). İstifadə tarixi: 2016-08-13.

                            Еy bivəfa, qədir bilməz dilbərim,
                            Şikayətim səndən bir kitab olmuş.
                            Yaza bilməz onu xamеyi-qüdrət
                            Çünki həddən kеçmiş bihеsab olmuş.

                            Saraldım həsrəti-ali-ruyindən,
                            Tapmadım bir rəmz hali-ruyindən.
                            Dərdimə ol şirin göftguyindən,
                            Nə bir sual olmuş, nə cavab olmuş.

                            Müjgan oxun canda o sipər kimi,
                            Dərin əzizimdir simü zər kimi,
                            Dil dəfinə daim əfilər kimi,
                            Türrеyi-tərrarın piçü tab olmuş.

                            Qızıl gül həsrətdir o al ruyuna,
                            Sərvi-səhi qat olubdur buyuna,
                            Hər gündə üz düşər xaki-güyuna,
                            Kəmtərin qulamın afitab olmuş.

                            Əsiri-zülfə olmuş divanə könlüm,
                            Olubdur Aşiqdən biganə könlüm,
                            Dağılmış dünyada viranə könlüm,
                            Bir gün şad olmadı ol xarab olmuş.