Olsun (Aşıq Rəcəb)

Eyni adda digər əsərlər üçün dəqiqləşdirmə səhifəsinə baxın.

Olsun Müəllif: Aşıq Rəcəb

Mənbə: Paşa Əfəndiyev. "Molla Cümə (həyatı və yaradıcılığı)" (PDF) (az.). "Ləman nəşriyyat poliqrafiya". 2017. İstifadə tarixi: 2018-08-31.

Mənim könlüm pərişandır,
Ədalət xana ərz olsun.
Gəlmiyəndən yaralıyam,
Dərdə, dərmana ərz olsun.

Doldur piyaləni, doldur,
Doldur piyaləni, doldur,
Yanaqları qızıl güldür,
Çeşmi məstanə ərz olsun.

Dərdin saxlaram ölüncə,
Saralıb bənzim solunca.
Əcəl piyalə dolunca
Cümlə insana ərz olsun.

Sidqinən sevmişəm mərdi,
Neylərəm yatan namərdi?
Qayğulu Rəcəbin dərdi
Ali sultana ərz olsun.