Onda dedim: La İlahə İlləllah

Ona dedim: La İlahə İlləllah Müəllif: Aşıq Heydər

Mənbə: "Aşıq Heydər" (Əsərləri, dastan-rəvayətlər, xatirələr), Bakı: ABX NPM, 2014. 472 səh. (tərtibçilər: Tacir Səmimi, Xurşud Məmmədli, Əbülfət Heydər)

                O dünyada stirükafir əkildi,
                Misqal- misqal badyalara töküldü,
                Qoxusundan suvalçılar çəkildi,
                Onda dedim: La İlahə İlləllah!
                       
                Yeridim yetişdim bir güllü bağa,
                Gülün dərdim, düşdüm bir ağ otağa,
                Ənkir- Münkür dayanmışdı çomağa,
                Onda dedim: La İlahə İlləllah!
                       
                Oxudum, öyrəndim, heç nə bilmədim,
                Ağladım, sıtqadım, gah da inlədim,
                Könlümün səsini özüm dinlədim,
                Onda dedim: La İlahə İlləllah!
                        
                Biçarə Heydərin qalmadı tabı,
                Bir suala verdim min bir cavabı,
                Həkk oldu sinəmdə eşqin kitabı,
                Onda dedim: La İlahə İlləllah!