Ordu (Aşıq Seyid İbrahim)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Ordu
Müəllif: Aşıq Seyid İbrahim
Mənbə: Şəhla Musayeva (2020). Köhnə ustadla yeni tanışlıq (az). archive.org. Yoxlanılıb 2020-04-19.


Sovet qəhrəmanları,
Şən ölkəni tutan ordu.
Varlığımız daim şəndir,
Bizimdi bu Vətən, ordu.
 
Dahi rəhbərin dühası
Partiyanın sərt dəstəsi
Milyonların gurgur səsi,
Oyaqdı, az yatan ordu.
 
Fəhlə-kəndli şad dolansın,
Xainlər yurdu talansın,
Hitleri oda qalansın,
Tayın olmaz yetkin ordu.

Stalin kimi var atası
Zəhmətkeşlər gül butası.
Havalanıb təyyarəsi,
Tərlan kimi ötən ordu.
 
İbrahim dastana yaza,
Talib deyilik çoxa-aza
Bıçaq olub xain gözə,
Millər kimi batan ordu.