Ot biçini (Abbas Səhhət)

Vikimənbə saytından
Jump to navigation Jump to search
Ot biçini
Müəllif: Abbas Səhhət


Göy çəmənin ətri tutub hər yeri,
Çulğalayıb dağ-dərəni, çölləri.
Əldə biçinçi darağı səfbəsəf,
Ot darayırlar qarılar hər tərəf.
Ot qurusun burda yığırlar şələ,
Yaş otu bir yanda sərərlər hələ.
Kəndlilər əllərdə təmamən yaba,
Arabaya otu yığarlar qaba.
Arabaya ot qalanar, dağ olar,
Kəndlilərin onda kefi çağ olar.
Arabaya at qoşulub gözləyir,
Sanki qaxılmış yerə, tərpənməyir.
Əymə kimi çaxlamış ayaqları,
Sallayıbsan hər iki qulaqların.