Pərişan (Qaracaoğlan)
Eyni adda digər əsərlər üçün dəqiqləşdirmə səhifəsinə baxın. |
Pərişan (Qaracaoğlan) Müəllif: Qaracaoğlan |
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub. |
Çıxdım ucasına seyran eylədim
Gördüm ağ ququlu göllər pərişan.
Bir firqət gəldi də durdum ağladım
Öpüb qoxladığım güllər pərişan.
Xəyal-məyal oldu qarşımda dağlar
Eşindən ayrılan ah çəkər ağlar.
Tökülmüş yarpaqlar, pozulmuş bağlar
Bülbülün qonduğu dağlar pərişan.
Qaracaoğlan der: mən toyladamadım,
Ərəb ata minib boyladamadım,
Küsdürdüm dilbəri söylədəmədim,
Dilbəri küsdürən dillər pərişan.