Qırmızı (Aşıq Camal)

Vikimənbə saytından
Naviqasiyaya keçin Axtarışa keçin
Eyni adda digər əsərlər üçün dəqiqləşdirmə səhifəsinə baxın.
Qırmızı
Müəllif: Aşıq Camal
Mənbə: Paşa Əfəndiyev (2017). Molla Cümə (həyatı və yaradıcılığı) (az). "Ləman nəşriyyat poliqrafiya". Yoxlanılıb 2018-08-31.

Yenə məni dərdə saldı bu gözəl,
Yaşıl çarşab, corabları qırmızı.
Onu gördüm, fikrim uçdu başımdan,
Qaşı qələm, yanaqları qırmızı.

Mən ki gördüm şahlar mehribanını,
Tamam alır görənlərin canını.
Dərdli idi, kəsdirmişdim yanını,
Diş mirvari, dodaqları qırmızı.

Ərz eyləyim, sən dərdimi biləsən,
Mən fəqirlə danışasan, güləsən.
Ağlayıram, göz yaşımı siləsən,
Mənə çəkdin bu dağları qırmızı.

Könlüm evi uçdu, dözə bilmərəm,
Dərdimi Fatmaya yaza bilmərəm.
İsayam, bu dərdə dözə bilmərəm,
Könlüm istər barmaqları qırmızı.