Qızıla dönən oğlan

Vikimənbə saytından
Jump to navigation Jump to search
Rəvayətlər. Qızıla dönən oğlan
Müəllif: Şifahi xalq ədəbiyyatı


Bir dəfə ilin-ayın axır gejəsi bir qızın nişannısı onun yanına gəlir. Elə olur bir azdan oğlan yatır. Gejənin bir vaxtı qız görür ki, at göyşədi. Təntiyir, deyəsidi ki, “kürək qızıl olsun”, deyir: “Allah, bu oğlan qızıl olsun”. Oğlan qızıl olur. Deyillər ki, bu qaldı bir də gələn Noyruza. Bir gün qıza qızıl lazım olur. Sınağ üçün oğlanın çeçələ barmağını götürür. Vaxt gəlir, genə ilin-ayın axır gejəsi olur. At göyşüyəndə qız diləh diliyir. Oğlan genə dönüp adam olur. Deyir, mən nə qədər yatmışam. Bir də deyir ki, mənim barmağım niyə belədi, yerində niyə yoxdu? Təzədən qohum-qardaş başa salır ki, belə-belə...

Mənbə[redaktə]