Qəmi-hicraninə müşküldü, gözüm, tab eləmək
Qəmi-hicraninə müşküldü, gözüm, tab eləmək Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 105 |
Qəmi-hicraninə müşküldü, gözüm, tab eləmək,
Ey gözün sədqəsi, tez gəl, yetər itnab eləmək.
Qəmzə peykanı ilə ver bir içim ab mənə,
Əməli-xeyridi bir təşnəni sirab eləmək.
Sənsiz, ey məh, gecədən sübhə qədər bidaram,
Haram olsun mənə sənsiz gecələr xab eləmək.
Sənə xidmətdəki rəftarı dürüst olmazsam,
Fərzidir zülfi-kəcin boynuma qüllab eləmək.
Qabu-qövseyn qaşın fikrinə könlüm düşəli,
Dəxi fikrimdə deyil səcdeyi-mehrab eləmək.
Sındırıb tövbəni mey camını sındırma, Vüqar,
Şəridə nəhy edilib tərki-meyi-nab eləmək.