Qaldı (Miskin Həsən)

Qaldı Müəllif: Miskin Həsən

Mənbə: Azərbaycan Aşıqlar Birliyi (2020). Ustad nəfəsli saz-söz ərməğanı (az). “Zərdabi Nəşr” MMC nəşriyyatı. Orijinal mənbədən 17 iyun 2023 tarixində arxivləşdirilib. Yoxlanılıb 17 iyun 2023.

 
İnsan oğlu qeybət etdin yoldaşdan,
Kəsdin haqq-salamı, harası qaldı?
Söz yetişdi sahibinə utandın,
Axır sənə üzün qarası qaldı.

Pislikdən nə çıxar eşit, a nadan,
Çıxmaz yaddan yüz il keçsə aradan,
Deyək ki, bir yoldaş çıxdı sıradan,
Kimə zər-zibası, xarası qaldı?

Miskin Həsən, daha bəsdi bu qədər,
Bülbül nəğmə deyər, bayquşlar ötər,
Xəncərdən, bıçaqdan, güllədən betər,
Sinəmdə pis sözün yarası qaldı.