Qeyrət eylə

Vikimənbə saytından
Jump to navigation Jump to search
Qeyrət eylə
Müəllif: Aşıq Bəsti
Mənbə: Aşıq Bəsti (2013). Bənövşələr (az). Gəncə. Orijinal mənbədən 2018-09-14 tarixində arxivləşdirilib. Yoxlanılıb 2018-09-14.

Gəldi, şura gəldi,
El, qeyrət eylə.
Yorulma, usanma,
Əl, qeyrət eylə.
Su basar dəhnəni,
Bel, qeyrət eylə.
Nizam ordu gəldi,
Yol, qeyrət eylə.
Susma, telli sazım,
Tel, qeyrət eylə.
Bəsti, bir tərif de,
Gəl, qeyrət eylə.
Çal-çağır, çal-çağır,
Dil, qeyrət eylə.