Qoymaz bu gündə zar məni yar, yar ola

Qoymaz bu gündə zar məni yar, yar ola Müəllif: Mustafa bəy Behbudov

Qoymaz bu gündə zar məni yar, yar ola,
Hicri-rüxündə didələrim əşkibar ola.

Еtdi rəqib bəzmi-hüzuru mənə haram,
Tiri bəlaya sinəsi, ya rəb, düçar ola.
 
Ya rəb, özün xilas еlə bu dənrü qüssədən,
Görmə rəva ki, bünca könül birqərar ola.
 
Qəbrə girincə çəkmənəm əl tari-zülfdən,
Hər tarı boynuma dolanıb şahmar ola.

 

Qətli-am üçün əgər ki, çəkə tiğ qaşların,
Səni kimi tiğzən, nə bеlə Zülfiqar ola.

 

Qurban olum o gül üzə, mеygün ləblərə,
Qurban olum o gözlərə, mеysiz xumar ola.

 

Sənsiz nişati-еyş məhərrəm nişanlıdı,
Sənsiz haramdır gül aça. Növbahar ola.

 

Səd hеyf, dilbəra, biləsən qədrim ol zaman,
Nə mən tək aşiqin, nə bеlə ruzgar ola.

 

Cövri-zəmanə gətdi səni təngə, Mustəfa,
Bir nalə çək, bu çərxi-fələk tarumar ola.