Quran (Məmmədhəsən Qəni oğlu və Tariyel Bilal oğlu tərcüməsi)/FİL SURƏSİ

Quran. FİL SURƏSİ Tərcüməçilər: Məmmədhəsən Qəni oğlu və Tariyel Bilal oğlu

(beş ayədən ibarət Мөккә surəsi)

Mərhəmətli, rəhmli Allahın adı ilə!

1 Məgər sən Rəbbinin fil sahiblərinə nələr etdiyini görmədinmi?

2 O, onların hiyləsini puç etmədimi?!

3 Onların üzərinə dəstə-dəstə əbabil quşlarını göndərmədimi?!

4 O (quşları ki), onlar bərkimiş gil daşlarını onların üstlərinə atdılar.

5 Beləliklə O, onları sanki yeyilib çeynənmiş əkin yarpağına çevirdi.