Quran (Məmmədhəsən Qəni oğlu və Tariyel Bilal oğlu tərcüməsi)/TlN SURƏSİ

Quran. TlN SURƏSİ Tərcüməçilər: Məmmədhəsən Qəni oğlu və Tariyel Bilal oğlu

(səkkiz ayədən ibarət Məkkə surəsi)

Mərhəmətli, rəhmli Allahın adı ilə!

1 And olsun əncirə və zeytuna,

2 Sinay dağına

3 və bu təhlükəsiz şəhərə ki,

4 Biz insanı ən gözəl bir surətdə xəlq etdik.

5 Sonra isə Biz onu aşağıdakılardan daha aşağı bir hala qaytardıq,

6 yalnız iman gətirib yaxşı əməl işlədənlərdən başqa. Onlar üçün tükənməz mükafat vardır.

7 Bundan sonra (ey insan), dini yalan saymağa səni nə vadar edir?

8 Məgər Allah hökm verənlərin ən güclüsü deyilmi?!