Qurban olum (Aşıq Bəsti)

Eyni adda digər əsərlər üçün dəqiqləşdirmə səhifəsinə baxın.

Qurban olum (Aşıq Bəsti) Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Söylə, Löydənmi gəlirsən?
Yollarına qurban olum.
Ağçınqıldan gül dərdinmi?
Əllərinə qurban olum.
Daş bulaqdan su içdinmi?
Dillərinə qurban olum.
Bəzənibmi Tamaşalı?
Çöllərinə qurban olum.
Aşıbmı maral çiçəyi?
Güllərinə qurban olum.
Tərtərim qan-qan deyirmi?
Sellərinə qurban olum.
Dağlara bahar gəlibmi?
İllərinə qurban olum.