Rövzeyi-kuyin görən meyxanə fikrin çəkməsin
Rövzeyi-kuyin görən meyxanə fikrin çəkməsin Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 25 |
Rövzeyi-kuyin görən meyxanə fikrin çəkməsin,
Gül ləbindən zövq alan peymanə fikrin çəkməsin.
Kirpiyimlə telətel yığdım, düzəltdim mubəmu,
Zülfi-yarə tapşır, ey yel, şanə fikrin çəkməsin.
Cəzbeyi-eşqi-həqiqət cəzb edər aşiqləri,
Şəmi-eşqi-Mürtəza pərvanə fikrin çəkməsin.
Canı cananə fəda etmişlər izzət tapdılar,
Xətt çəkən kilki-şərəflə canə, fikrin çəkməsin.
Aşiqin ünvanı səhralardı, çöllərdir, gərək,
Aşiqi-dərvişi-xislət xanə fikrin çəkməsin.
Gül cəmalında deyil bihudə bir cüt qarə xal,
Mürği-ruhum bərk acanda danə fikrin çəkməsin.