Raufa söz əmanət, düzgün əməl zəmanətdir

Raufa söz əmanət, düzgün əməl zəmanətdir (1994) Müəllif: RAUF CAVAD

Söz şərəfimdir, şərəfsiz mərifət nə biləndir,
Ayılmasa qafil, cahil sədaqət nə biləndir.

Boşboğaz hülqumsuz sözünün qul-əsir köləsi,
İt tək hürür-zingildəyir, qəbahət nə biləndir.

Açılıb murdar zəncirdən cumur nəfsi həyasız,
Bu biədəb arsız, şərafət-ismət nə biləndir.

Çıxıb fısıldayır əfi ilan qara qutudan,
Dili laldır, söz tutmur, şirin söhbət nə biləndir.

Sancır doğru-düz deyəni, çün iki gözü kordur,
Duymur səs, qulağı kardır, Həqiqət nə biləndir.

Nə olacaq bu nifrət hal ilə vücud-bədənin!?
Sözsüz qalacaq iflic, kin-küdurət nə biləndir.

Hikmət sözə can verir, Arif nəqli icra edir,
Kim ibadət-itaət edir, lənət nə biləndir.

Raufa söz əmanət, düzgün əməl zəmanətdir!
Sözünə edən xəyanət, məhəbbət nə biləndir!